Anım günü (davamı)

Anım günü

Göygöl rayonunda Yeni Azərbaycan Partiyasının yaradılmasının 22-ci ildönümü qeyd olundu

21 noyabr 2014-cü il  tarixdə  Göygöl rayonunda Yeni Azərbaycan Partiyasının yaradılmasının   22-ci  ildönümü  həsr olunmuş tədbir keçirilmişdir.    

      

Rayon təşkilatının sədri Turani Əliyev yığıncağı açaraq tədbir iştirakçılarını salamladı və ildönümü  münasibəti ilə təbrik etdi. Sonra geniş məruzə ilə çıxış edərək  partiyanın yaranma tarixi ilə bağlı geniş  nitq  söyləmişdir. YAP-ın yaradılmasının o dövrün tələbi olduğunu deyən T.Əliyev Ulu öndər Heydər Əliyevin rəhbərliyi ilə yeni siyasi qüvvələrin formalaşmasının zərurətə çevrildiyini  vurğulayaraq qeyd  etdi ki,  həmin dövrdə  hakimiyyətdə  olanların  səriştəsizliyi nəticəsində Azərbaycan uçuruma sürüklənirdi.  Ölkədə iqtisadi – siyasi  böhran  dərinləşir,  ayrı-ayrı  separatçı silahlı birləşmələr  yaradılaraq  qanunsuz  fəaliyyət göstərir, dövlətə  və xalqa  qarşı edilən xəyanətlər  nəticəsində Azərbaycan nəinki yenicə qazandığı müstəqilliyini itirmək, hətta  bir  dövlət  kimi dünyanın siyasi xəritəsindən silinmək təhlükəsi ilə üzləşmişdi.    Qarabağ  müharibəsinin  yaratdığı  psixoloji  çaşqınlıq,   siyasi arenada  olan  hərc-mərclik,  rəhbərsizlik  və   vətəndaş müharibəsi  təhlükəsi  xalqı  yeni  lider,  yeni  partiya  axtarmağa  sövq  edirdi.     Məhz  belə  bir  vaxtda  xalqımızın  uzaqgörən  ziyalıları  son  ümid  yeri və  pənahı  kimi,   Ümummilli  Lider  Heydər  Əliyevə üz  tutdu.     Bəşəri  kamilləşmənin  ən yüksək  zirvəsində  duran,  ensiklopedik  biliyə, yüksək  intellektual  və  mənəvi  potensiala,  dərin  yaddaşa  və  möhkəm  iradəyə  malik,   dahi  şəxsiyyət  olan  Ulu  Öndər   Heydər  Əliyev  Respublikanın  ictimai-siyasi  və sosial-iqtisadi  cəhətdən   son  dərəcə  ağır  vəziyyətdə  olduğunu  nəzərə  alaraq,  ziyalıların   real  və zəruri  təklifini  qəbul  etdi  və   Yeni Azərbaycan Partiyasının  sədri  olmağa  razılıq  verdi.  

Təşəkkürlər, cənab Prezident!

İlham Əliyev Azərbaycan Respublikası Silahlı Qüvvələrinin yaradılmasının 96-cı ildönümü münasibətilə birgə əməliyyat-taktiki təlimləri izləmişdir

Azərbaycan Respublikası Silahlı Qüvvələrinin yaradılmasının 96-cı ildönümü münasibətilə Müdafiə Nazirliyi, Daxili İşlər Nazirliyinin Daxili Qoşunları və Dövlət Sərhəd Xidmətinin birləşmə və hissələrinin irimiqyaslı birgə əməliyyat-taktiki təlimləri keçirilmişdir.

Azərbaycan Prezidenti, Ali Baş Komandan İlham Əliyev birgə əməliyyat-taktiki təlimləri izləmişdir.

Mənbə: http://president.az/articles/12169

Azərbaycan Silahlı Qüvvələrinin yaranmasından 96 il ötür

Bu gün Azərbaycan Silahlı Qüvvələrinin yaranmasından 96 il ötür. Geostrateji mövqeyinə görə, böyük dövlətlərin maraqlarının kəsişdiyi ölkə olan Azərbaycanda Demokratik Respublikanın yarandığı gündən, dövlətçiliyin mühüm atributu sayılan nizami ordu quruculuğu istiqamətində addımlar atıldı. 1918-ci il mayın 28-də qəbul edilmiş “İstiqlal bəyannaməsi”ndə qeyd edilirdi ki, Azərbaycan özünü xarici müdaxilələrdən müdafiə etmək, daxili düşmən qüvvələrini zərərsizləşdirmək üçün nizami orduya malik olmalı, özünün silahlı qüvvələrini yaratmalıdır. Çünki müstəqil ordusu olmayan dövlətin milli dövlətçiliyi həmişə yadellilərin təhlükəsi altında yaşamağa məhkumdur.

Milli Qurtuluş günü - 15 iyun

Azərbaycan Milli Qurtuluş günü – Azərbaycan Respublikasında rəsmi bayramlardan biri. 1997-ci ilin 15 iyun günündən bayram elan edilib. 1997-ci ildən qeyd olununan bayrama 1998-ci ildən dövlət statusu verilmişdir.

1991-ci ilin oktyabrında Azərbaycan müstəqillik əldə etdi. Lakin Ermənistanın işğalçılıq niyyəti güdən təcavüzü respublikada vəziyyəti gərginləşdirirdi.

Vətənin bu ağır dövründə Azərbaycan Kommunist Partiyası Mərkəzi Komitəsinin sədri olmuş (1969-1982), daha sonra Sovet İttifaqı Kommunist Partiyası Mərkəzi Komitəsi Siyasi Bürosunun üzvü, SSRİ Nazirlər Soveti sədrinin birinci müavini, 1991-1993-cü illərdə Naxçıvan Muxtar Respublikası Ali Məclisinin sədri Heydər Əliyev hakimiyyətə qayıtdı. 1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi. Beləliklə, 15 iyun Azərbaycanın tarixinə Milli Qurtuluş Günü kimi daxil oldu.

Heydər Əliyev 91 - Təhsil Problemləri İnstitutunda müəllimlərin mükafatlandırılması

Azərbaycan Respublikası Təhsil Nazirliyi Təhsil Problemləri İnstitutu və “Demokratik Gənclər” İctimai Birliyi ulu öndər Heydər Əliyevin 91-ci il doğum günü münasibəti ilə təşkil etdiyi “Ən yaxşı blog” müsabiqəsində qalib olanların mükafatlandırılması, 30 May 2014-cü il

Ətraflı:

Heydər Əliyev mərkəzində "Vergi uşaqların gözü ilə" adlı rəsm və yazı müsabiqəsinin qalibləri mükafatlandırıldı - Göygöl rayonu, 23.05.2014

Heydər Əliyev mərkəzində tədbir-Vergi uşaqların gözü ilə on PhotoPeach

Göygöl rayonunda Ümummilli Lider Heydər Əliyevin anadan olmasının 91 illiyi qeyd edilib

    Göygöl rayon  İcra Hakimiyyətinin və YAP Göygöl rayon təşkilatının təşəbbüsü və   təşkilatçılığı  ilə  15 aprel  2014-cü ildə  Ulu Öndər  Heydər Əliyevin abidəsinin ziyarət edilməsi, əklil və gül dəstələrinin qoyulması  ilə  başlanan Ümummilli Lider  Heydər Əliyevin  əziz xatirəsinə həsr olunmuş   muğam müsabiqəsi, inşa yazı müsabiqəsi və məktəblərarası yürüş başa çatmışdır.

      06 may 2014-cü il tarixdə Heydər Əliyev mərkəzininin akt zalında Ulu Öndər  Heydər Əliyevin anadan olmasının 91 illiyi  ilə  bağlı “Azərbaycanı dünyaya tanıdan insan” mövzusunda  elmi-praktiki  konfransla  və  müsabiqənin  yekunu ilə bağlı keçirilən tədbirdə YAP rayon təşkilatının şura üzvləri, rayonun idarə müəssisə  rəhbərləri,  ərazi ilk partiya təşkilatlarının sədrləri rayon ağsaqqalları və kütləvi informasiya vasitələrinin nümayəndələri iştirak etmişlər. Tədbirdə  Ümummilli Lider Heydər Əliyevin əziz xatirəsi  bir dəqiqəlik sükutla yad olunmuşdur.  Göygöl   rayon İcra Hakimiyyətinin Başçısı cənab Arif Seyidov giriş nitqi söyləyərək,  Ulu öndər Heydər Əliyevin tarixi xidmətlərindən danışmış,  daxili  və  xarici siyasətdə, iqtisadiyyatda  və  ölkə həyatının bütün  sahələrində həyata keçirdiyi  islahatlardan,  yerinə  yetirilən möhtəşəm lahiyələrdən bəhs etmişdir. 

       Tədbirdə YAP  Göygöl  rayon  təşkilatının sədri Turani Əliyev  məruzə  ilə  çıxış edərək Ulu Öndər  Heydər Əliyevin  həyat və fəaliyyətindən, onun  əsasını qoyduğu  gənclər siyasətinin  bu gün cənab İlham Əliyev tərəfindən uğurla davam etdirilməsindən,  gənclərə yüksək diqqət və qaygının göstərilməsi və onların gələcək inkişafının dövlət tərəfindən stimullaşdırılmasından, gənclərin problemlərinin həllinə yönələn dövlət proqramlarının  həyata keçirilməsindən, əlverişli təhsil mühitinin yaradılması  və  istedadların  üzə çıxarılmasından,   gənclərin qurub yaratmaq əzminin daha da artmasından  bəhs  etmiş,   göstərilən  dövlət  qayğısının  gənclərimizin  vətənə və xalqa  layiqli övlad olmalarına sövq etməsi haqqında  danışmışdır.   Günümüzün  reallığının  Ulu Öndər Heydər Əliyev ideyalarına  və  milli mənəvi dəyərlərimizə,  vətənimizə,  ana dilimizə, qədim tariximizə  və  millətimizə  sadiq  gənclər yetişdirməyi  və  Müstəqil  Azərbaycanın inkişafına  töhfələr verməyi tələb etdiyini, gənclərin intellektual  potensialının, idmana  və  musiqiyə  olan marağının daha da artırılmasının  qarşıda  duran  əsas  vəzifələrdən  biri  olduğunu qeyd etmişdir.

       Tədbirdə çıxış edən digər natiqlər Ruslan Əliyev və Aygül Əliyeva müstəqilliyimizi  əbədiləşdirən,  bütün  sahələrə  dərindən  bələd olan, uzaqgörən siyasi xadim, Ümummilli Lider Heydər Əliyevin Azərbaycan xalqı qarşısında tarixi xidmətləri, onun siyasi,  iqtisadi  və  mədəni  quruculuq sahəsindəki fəaliyyəti haqqında danışdılar.

     Tədbirin  sonunda  yürüş və müsabiqələrin qalibləri  YAP  Göygöl rayon təşkilatı  tərəfindən diplom  və  qiymətli  hədiyyələrlə  təltif  edilmiş, həmçinin YAP sıralarına yeni üzv olmuş gənclərə partiya biletləri və hədiyyələr təqdim olunmuşdur.

 

 YAP Göygöl rayon təşkilatının sədri: T.H.Əliyev

Xilaskar

Sən qurub yaradansan,

Xilaskarsan əzəl gündən!

Tanrının verdikləri tək,

Müqəddəsdir sənin töhfən.

Xilas edibsən xalqını, igid oğul

Sənə əhsən!

Ümummilli lider Heydər Əliyevin anadan olmasının 91-ci ildönümü münasibətilə paytaxtda Gül bayramı təşkil edilmişdir

   Azərbaycan xalqının ümummilli lideri, dünya şöhrətli siyasi xadim Heydər Əliyevin anadan olmasının 91-ci ildönümü münasibətilə Heydər Əliyev Sarayının qarşısındakı parkda və sarayın arxasındakı Şəhər Mərkəzi Parkında Gül bayramı keçirilmişdir.    

Ətraflı

Heydər Əliyev məktəbi

Heydər Əliyev məktəbi

Ulu öndər Heydər Əliyevin anadan olmasının 90 və 91 - ci ildönümləri

Göygöl rayonu Ə.məmmədov adına Üçtəpə kənd tam orta məktəbində keçirilən tədbirlər

İnşa yazı müsabiqəsi qalibləri mükafatlandırılıb

  İnşa yazı müsabiqəsi qalibləri mükafatlandırılıb (24 şəkil)

   Mayın 6-da “Gülüstan” sarayında ümummilli lider Heydər Əliyevin anadan olmasının 91-ci ildönümü münasibətilə təşkil olunmuş inşa yazı müsabiqəsi qaliblərinin mükafatlandırılması mərasimi keçirilib.

  Mərasim iştirakçıları əvvəlcə Fəxri xiyabanda ümummilli lider Heydər Əliyevin məzarını ziyarət edib, abidəsi önünə əklil və tər çiçəklər qoyublar. Sonra iştirakçılar akademik Zərifə xanım Əliyevanın məzarı önünə gül dəstələri düzüb, həmçinin Şəhidlər xiyabanını ziyarət ediblər.

  Artıq 8-ci dəfədir keçirilən müsabiqə Təhsil Nazirliyi, Rabitə və Yüksək Texnologiyalar Nazirliyi, Heydər Əliyev Fondu, Yeni Azərbaycan Partiyası, Azərbaycan Həmkarlar İttifaqları Konfederasiyası tərəfindən təşkil olunub.

Ətraflı

Heydər Əliyev - 91

Heydər Əliyev - 91

Ulu öndərimiz Heydər Əliyevin 91 illik yubileyinə həsr edirik

Heydər Əliyev - 91

Heydər baba

Bir dahi var yurdumuzda,

Yaşar hər an ruhumuzda,

Vuran qəlbdir qoynumuzda,

Xalqın səsi, Heydər baba!

Özü boyda dünyadır o,

Xalqa kömək arxadır o,

Böyük uca simadır o,

Ulu öndər, Heydər baba!

Xilas edən zəkasıdır,

O bir ağıl dəryasıdır,

Xalqın sevgi dünyasıdır,

Gözümün nuru, Heydər baba!

Ucaların, ucasıdır,

Xalqın böyük dayağıdır,

Qəlbimizin çıragıdır,

Sönməz günəş, Heydər baba!

Millət sevir səni candan,

Ayırmaz bizi Yaradan,

Qəlbimizdə yaşayırsan,

Ölməz insan, Heydər baba!

Mürsəlova Səidə Kamil qızı – Göygöl rayon Üştəpə kənd tam orta məktəbin dil-ədəbiyyat müəllimi