13.03.2015

YAP Göygöl rayon təşkilatı Gənclər Birliyinin III Hesabat - Seçki konfransı keçirilib

    Bu gün  YAP Göygöl rayon Təşkilatı Gənclər Birliyinin III hesabat-seçki konfransı keçirilib. Konfransda Göygöl rayon İcra Hakimiyyətinin başçısı cənab Arif Seyidov, Ekalogiya Təbii sərvətlər nazirinin müavini, YAP siyasi şuranın üzvü cənab Firdovsi Əliyev,  YAP Mərkəzi Aparatının məsul işçisi Rafael Gülməmmədov, YAP Göygöl rayon  Təşkilatının sədri Turani  Əliyev, fəal gənclər və media nümayəndələri iştirak ediblər.
      Tədbiri giriş sözü ilə  YAP Göygöl rayon Təşkilatının sədri Turani Əliyev açaraq, konfrans iştirakçılarını  və qonaqları salamlayıb, tədbirdə 115 nəfər nümayəndədən 112 nəfərinin iştirak etdiyini bildirib və konfransın işinə uğurlar arzulayıb.
      Turani Əliyev  konfransın mühüm tarixi bir dövrə təsadüf  etdiyini, gəncəlilərin son 4 ilin möhtəşəm nailiyyətlərinin sevinci ilə yaşadığını, Azərbaycan Respublikasının Prezidenti,  gənclərin hər zaman dostu cənab İlham Əliyevin Göygöl rayonuna və göygöllülərə  sonsuz  diqqət və qayğı göstərdiyini, dövlət rəhbərinin rayona  tarixi  səfərləri  hər bir rayon sakininə böyük qürur hissi bəxş etdiyini, əldə olunan qələbələrin başlıca stimulu olduğunu bildirib. Cənab İlham Əliyevin bütün göstəriş və tapşırıqlarının Göygöl rayon rəhbərliyinin yüksək təşkilatçılığı ilə yerinə yetirildiyini diqqətə çatdırıb, rayonun  inkişaf və tərəqqisində gənclərin geniş fəallığına xüsusi önəm verildiyini vurğulayıb.



    YAP Göygöl rayon Təşkilatı Gənclər Birliyinin sədri Elşən Məmmədov  hesabat verərək ,Ulu Öndər Heydər Əliyevin siyasi kursunun layiqli davamçısı, Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə layiqincə  həyata keçirilən  dövlət gənclər siyasəti və bu siyasətin uğurlu bəhrələrindən danışıb.            Diqqətə çatdırıb ki, YAP Göygöl rayon Təşkilatının Gənclər Birliyi 1997 –cı ildə təsis olunub. Bu gün rayon  partiya təşkilatının 4674 üzvündən, 1521 nəfəri gənclərdir. 

      Hesabat dövründə partiya sıralarına 581nəfər gənc qəbul edilib. 120  ərazi ilk partiya təşkilatının 37 - sində  Gənclər Birliyi fəaliyyət göstərir. Gənclər rayonun  ictimai-siyasi həyatında fəal iştirak edir, bütün sahələrdə, həmçinin elmdə, təhsildə böyük  uğurlar  qazanırlar.
        Gənclər adından çıxış edən Seymur Əsgərov, Aygül Əliyeva və başqaları Ölkə Prezidenti cənab İlham Əliyev tərəfindən gənclərə göstərilən qayğı və diqqəti əməli işlərində layiqincə doğruldacaqlarını  vurğulamışlar
    Konfrans iştirakçıları YAP Göygöl rayon Təşkilatı Gənclər Birliyinin hesabat dövründəki fəaliyyətini qənaətbəxş qiymətləndiriblər.

     Konfransın qətnaməsi və qərarı qəbul olunub.

    Sonra konfransda təşkilati məsələlərə baxılıb. YAP Göygöl rayon Təşkilatı Gənclər Birliyinin şura və idarə heyətinin  üzvləri, sədr və müavinləri seçiliblər.Gənclərin yekdil rəyi ilə İsmayılov Habil  Nadir oğlu YAP Göygöl rayon Təşkilatı Gənclər Birliyinin sədri seçilib. Həmçinin YAP Gənclər Birliyinin respublika konfransına nümayəndələr seçilib.

  Göygöl rayon  İcra Hakimiyyəti başçısı cənab Arif   Seyidov, Ekalogiya Təbii sərvətlər nazirinin müavini, YAP siyasi Şuranın üzvü  cənab Firdovsi Əliyev YAP-ın Mərkəzi Aparatının məsul işçisi cənab Rafael Gülməmmədov çıxış edərək, YAP Göygöl rayon Təşkilatı Gənclər Birliyinin yeni heyətini təbrik edib, gələcək işlərində nailiyyətlər arzulayıblar.Göygöl gənclərinin daim dövlətçiliyimizə , Ulu Öndərə sədaqətli olduqlarını, bundan sonra da yeni zəfərlərə imza atacaqlarına əmin olduqlarını bildiriblər.

   Sonda konfrans iştirakçıları adından Azərbaycan Respublikasının Prezidenti cənab İlham Əliyevə müraciət oxunub.


YAP Göygöl rayon Təşkilatının

Aparat   rəhbəri :

12.03.2015