Göygöldə görkəmli oftalmoloq-alim akademik Zərifə Əliyevanın xatirəsi anılıb! Yeni Azərbaycan Partiyası (YAP) Göygöl rayon təşkilatinın Mərkəzi rayon xəstəxanası ilk partiya təşkilatında görkəmli oftalmoloq –alim Zərifə xanım Əliyevanın anadan olmasının 92 –ci ildönümünə
həsr olunmuş elmi-proktik konfrans keçirilib .
Tədbir iştirakçıları əvvəlcə görkəmli oftalmoloq –alimin xatirəsini bir dəqiqəlik sükütla yad ediblər.
Tədbirdə Mərkəzi rayon xəstəxanasının baş həkim müavini Eldar Muradov, YAP Göygöl rayon təşkilatının sədr müavini Nuranə Quliyeva və YAP Göygöl rayon təşkilatının təlimatçısı Zamir Hüseynov iştirak edirdilər.
Vilayət Musayev-Lor şöbəsinin həkimi çıxış edərək, Zərifə xanım Əliyevanın oftalmologiya elminin inkişafındakı xidmətlərindən danışıb. Akademik Zərifə xanım Əliyeva respublikamızda tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanmışdır. Azərbaycanda geniş şəkildə yayılmış traxomanın müalicəsi və profilaktikasına dair tədqiqatın müəllifi olan Zərifə xanım 12 monoqrafiya, dərslik və dərs vəsaiti, 150-dən çox elmi iş, bir ixtiraya imza atmışdır. Həm peşəkar həkim, həm də əldə etdiyi bilikləri böyük həvəslə həkim və elmi işçilərlə paylaşan əvəzsiz müəllim olmuşdur. Akademikin elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərmişdir. Bu sahədə apardığı elmi – tədqiqat işlərinin böyük səmərə verdiyini diqətə çatırıblar. Bildirib ki, Zərifə xanımın işinə olan münasibəti, qəlbən təmizliyi hər kəs üçün nümunə olub. Zərifə xanım çox istedadlı insan idi və о bütün işlərində bu istedadı büruzə verə bilirdi. Ömrünün son günlərinə qədər elmi tədqiqatlarını davam etdirib. Zərifə xanım Heydər Əliyevin layiqli həyat yoldaşı, sadiq dostu və məsləkdaşı olmuşdur.
Elmira İsmayılova – Terapiya şöbəsinin baş tibb bacısı, Vüsalə İsmayılova – Cərrahiyyə şöbəsinin tibb bacısı dünya şöhrətli oftalmoloqun respublikamızda tibb elminin inkişafına əvəzolunmaz töhfələr verdiyini, elmi-pedaqoji və ictimai fəaliyyəti ilə həkimlərin yeni nəslinin yetişməsində və Azərbaycanda oftalmologiya elminin inkişafında böyük xidmətləri olduğunu vurğulamışlar.
YAP Göygöl rayon təşkilatının təlimatçısı: Zamir Hüseynov