Ucaltdı hər
yerdə bayrağımızı
Yazdı tarixlərə
ad – şanımızı
Tanıtdı
dünyaya varlığımızı
Ulu bir sərkəndə,
ulu bir öndər.
Ümummilli lider H.Əliyevin anadan
olmasının 92 – ci ildönümü ilə əlaqədar YAP Göygöl Rayon Təşkilatı və Göygöl
Rayon Təhsil Şöbəsi məktəblilər arasında bir sıra silsilə tədbirlər
keçirmişdir.
06 mart 2015 – ci il tarixdə şəhər 1
saylı tam orta məktəbdə “H.Əliyevin ömür və tale yolları” mövzusunda məktəbdə
inşa müsabiqəsi keçirilmişdir. Müsabiqəyə 96 nəfər şagird qatılmışdır.
İştirakçılar arasında I yerə Balçılıkənd 1 saylı tam orta məktəbin X sinif
şagirdi Məlikzadə Aysel Akif qızı layiq görülmüşdür.
11 aprel 2015 – ci il tarixdə Bakı şəhərində
Zərifə Əliyeva adına Liseydə H.Əliyevin anadan olmasının 92 – ci ildönümü ilə əlaqədar
inşa yazı müsabiqəsinin respublika mərhələsi keçirildi. Müsabiqədə 109 nəfər məktəbli
iştirak edirdi. Onlardan 92 nəfər (H.Əliyevin 92 – ci ildönümü olduğuna görə) I
– IV yerləri bölüşdürdülər.
May ayının 05 – də Gülüstan sarayında
müsabiqə qaliblərinin mükafatlandırma mərasimi oldu.
Mərasimdə Baş nazirin müavini Elçin Əfəndiyev,
Baş nazirin müavini, icra katibi Əli Əhmədov, H.Əliyev fondunun nümayəndələri,
Milli Məclisin deputatları, Təhsil Naziri Mikayıl Cabbarov, ali məktəb
rektorları, alimlər və s. görkəmli elm və mədəniyyət xadimləri iştirak etmişlər.
Tədbir Azərbaycan Dövlət Himninin səslənməsi
ilə başlanılıb.
Tədbirdə çıxış edən Təhsil Naziri Mikayıl
Cabbarov ümummilli lider, dünya şöhrətli siyasətçi H.Əliyevin misilsiz tarixi
xidmətlərindən danışmış, təhsilə böyük önəm vermiş, diqqət və qayğı göstərdiyini
vurğulamışdı. Nazir bildirib ki, inşa yazı müsabiqəsində iştirak edən şagirdlər
H.Əliyev haqqında düşüncələrini və sonsuz məhəbbətlərini yazılıarı vasitəsi ilə
ifadə etmişlər.
H.Əliyev siyasi kursunun layiqli
davamçısı İ.Əliyev də təhsilə xüsusi diqqət və qayğı göstərir. Belə ki,
Prezident İlham Əliyevin müvafiq Sərəncamı ilə təsdiq edilmiş “Azərbaycan
Respublikası Təhsilin inkişafı üzrə Dövlət Strategiyası” na uyğun olaraq təhsil
sahəsində həyata keçirilən yeniliklərdən söz açdı.
Mərasimdə Baş nazirin müavini, Yeni Azərbaycan
Partiyası sədrinin müavini – icra katibi Əli Əhmədov çıxış etmişdir. Əli Əhmədov
şəxsiyyətinin böyüklüyündən, onun siyasi kursunun layiqli davamçısı olan
İ.Əliyevin bu gün təhsilə və gənclərə göstərdiyi diqqət və qayğıdan söz
açmışdır.
H.Əliyev Fondunun nümayəndəsi İlqar
Mustafayev fondun prezidenti, UNESCO və İSESCO – nun xoşməramlı səfiri Mehriban
xanımın salamlarını tədbir iştirakçılarına çatdırmışdır.
Sonra Millət vəkili, ATİAHİ Respublika Komitəsinin
sədri Səttar Mehbalıyevə söz verilmişdir. Milli Məclisin Deputatı çıxışında gəncliyə
yüksək qiymət vermiş, gəncliyi təməl daşı adlandırmışdır. “İstedadlı uşaq və gənclərin
aşkara çıxarılması, qabaqçıl dünya dövlətlərinin təhsil sistemlərinə
inteqrasiya olunması bu gün geniş imkanlar açaraq, istedadlı uşaq və gənlərə
diqqət və qayğının artırılması ölkə Konstitusiyasında təsbit edilərək təhsil
sahəsində dövlət siyasətinin əsas istiqamətlərindən birinə çevrilmişdir”.
Mərasimdə daha sonra qaliblərə mükafat
və hədiyyələr təqdim olunmuşdu. Mükafat və hədiyyələr Milli Məclisin Komitə sədri
Şəmsəddin Hacıyev tərəfindən təqdim olundu.
Müsabiqədə uğur qazanan 92 nəfərin inşa
yazısı “H.Əliyev məktəblilərin gözü ilə” kitabında dərc olunub.
Müsabiqədə 16 nəfər I yeri, 19 nəfər II
yeri, 22 nəfər III yeri, 35 nəfər isə IV yerə layiq görülüb.
Göygöl rayon Balçılı kənd 1 saylı tam
orta məktəbin X sinif şagirdi Aysel Məlikzadə qaliblər arasında III yerə layiq
görülmüşdü. “H.Əliyev Məktəblilərin gözü ilə - 2015 – ci il Təhsil” nəşriyyatı
tərəfindən çap olunmuş1 ədəd kitab, III dərəcəli Diplom və 1 ədəd notebookla təltif
olunmuşdur.
Aysel Məlikzadə 2013/2014 – cü tədris ilində də
bu müsabiqəyə H.Əliyev – 91 –ci ildönümü ilə əlaqədar keçirilən inşa müsabiqəsinə
qatılaraq, yenə rayon birinciliyini qazanmış və respublika mərhələsində iştirak
etmək hüququna malik olmuşdur.
Mərasimdə
iştirak edən Aysel paytaxt Bakıdan böyük təsürratlarla qayıtmışdı. Onunla
görüşdüyümüz zaman bildirdi ki, həmin tədbirdə 2 il dalbadal yer tutduğuma görə
həm çox sevinir, həm də qürur duyurdum. H.Əliyev haqqında yazdığım inşa yazı
ümummilli liderə, dünya səviyyəli siyasətçi, Azərbaycanı bütün dünyada tanıdan
Heydər babama mənim tərəfimdən kiçik bir töhfə idi.
Azərbaycan Respublikasının qabaqcıl
ziyalıları ilə möhtəşəm Gülüstan sarayında olmaq dillə ifadə olunmayacaq dərəcədə
mənə sevincli anlar yaşatdı. Sonda mən biz gənclərə göstərdikləri diqqət və
qayğıya görə ölkə Prezidentinə və onun xanımı Mehriban xanıma, rayon rəhbərliyinə,
Göygöl Rayon Təhsil Şöbəsinin əməkdaşlarına, təhsil aldığım Balçılı kənd 1
saylı tam orta məktəbin bütün müəllim kollektivinə öz dərin minnətdarlığımı
bildirirəm.
Biz də Aysel kimi şagirdlərimizlə fəxr
edirik, qürur duyuruq, gələcəkdə ona ən nüfuzlu ali məktəblərdən birinintələbəsi
olmasını arzulayırıq.
Göygöl Rayon
Təhsil Şöbəsinin
Metodiki Mərkəzin direktoru,
RTŞ – nin YAP
qadınlar şurasının
